→ المدونة

إزاي تعمل مونتاج بـ Claude Code من الصفر (خطوة بخطوة)

اعمل ريلات ومونتاج كامل وانت بتتكلم مع Claude Code بس: سكيل Remotion، ملف الهوية، الصوت من ElevenLabs، الخطة، التعديل بالكلام، وأمر واحد يرندر.

إزاي تعمل مونتاج بـ Claude Code من الصفر (خطوة بخطوة)

الفكرة باختصار

Remotion بيخلي الفيديو كود (React). ولإن Claude Code بيكتب ويعدّل كود، يقدر يعملك الفيديو كله: الكروت والصور والحركة والكابشن، وانت بتتكلم معاه بس. مش محتاج تايملاين ولا تسحب كليبات بإيدك.

1) نزّل Claude Code وضيف سكيل Remotion

1. نزّل Node.js لو مش عندك.
2. نزّل Claude Code:
`npm install -g @anthropic-ai/claude-code`
3. افتح فولدر المشروع واكتب `claude`.
4. ضيف سكيل Remotion عشان Claude يعرف يكتب فيديوهات صح:
`npx skills add remotion-dev/skills`

2) اعمل ملف الهوية مرة واحدة

اعمل ملف (مثلاً brand.md أو CLAUDE.md) واكتب فيه:
- ألوانك (أكواد الألوان)
- الخط اللي بتستخدمه
- شكل الكروت والكابشن والعناوين
Claude بيقرا الملف ده في كل ريل، فكل فيديو يطلع بنفس الشكل من غير ما تعيد كلامك.

3) الصوت

  • اكتب السكربت، وطلّعه صوت من ElevenLabs (أو سجّله بصوتك).
  • حط ملف الصوت في المشروع، واطلب من Claude يفرّغه بتوقيت كل كلمة (مثلاً بـ Whisper).
  • كده كل كارت وكل صورة وكل حركة تظهر مع الكلمة نفسها بالملي.

4) خليه يعمل خطة الأول

متقولوش «ابدأ» على طول. قوله: «اعمل خطة الأول». هيقولك كل مشهد فيه إيه، ويسألك على اللي مش واضح. توافق، وبعدها يبدأ يبني.

5) شوف وعدّل بالكلام

افتح المعاينة: `npx remotion studio`
واللي مش عاجبك قوله بالكلام: «أبطأ شوية»، «كبّر الصورة»، «غيّر اللون»… وهو يعدّل في ثانية.

6) أمر واحد للرندر

`npx remotion render`
والريل يطلع mp4 جاهز للنشر.

نصايح

  • راجع كل مشهد بنفسك قبل الرندر.
  • خلي ملف الهوية مفصّل، كل ما يكون أوضح كل ما النتيجة تبقى ثابتة.
  • ابدأ بريل قصير (20–30 ثانية) لحد ما تتعود.

مقالات تانية