→ المدونة
REA: الأداة اللي بتخلي الـ AI يعيد بناء أي تطبيق
إزاي تثبّت REA وتخلي الـ AI يحلل أي تطبيق ويعيد بناؤه خطوة بخطوة.
يعني إيه REA؟ REA (Reverse Engineer Anything) أداة مفتوحة المصدر عاملة تريند على GitHub. بتدّي أداة البرمجة بالـ AI اللي بتستخدمها (زي Claude Code أو Cursor أو Codex) كل اللي محتاجه عشان تحلل أي تطبيق وتفهم بيشتغل إزاي من جوه.
بتعمل إيه بالظبط؟ بتفكك التطبيق: الشاشات، الأزرار، وكل ميزة جواه.
بتشرحلك كل جزء بيشتغل إزاي.
مش بتخمّن: بتجرّب اللي وصلتله وتتأكد منه.
وفي الآخر الـ AI يقدر يعيد بناء نفس الميزة في مشروعك خطوة بخطوة.
محتاج إيه قبل ما تبدأ؟ أداة برمجة بالـ AI زي Claude Code أو Cursor أو Codex (مش شات ChatGPT العادي).
وNode.js متثبت على جهازك.
خطوات التثبيت 1. افتح الترمينال في فولدر مشروعك.
2. اكتب الأمر: npx skills add morluto/rea
3. افتح Claude Code واطلب منه: Set up REA
4. الإعداد ممكن يثبّت برنامج اسمه Hopper، وده برنامج منفصل وليه رخصة خاصة بيه.
إزاي تستخدمها قول للـ AI: Reverse engineer this app and explain how its main feature works, then rebuild it in my project.
وسيبه يحلل، يجرّب، ويبني.